Ռոբերտ Ազարյանի 85-ամյա հոբելյանին նվիրված հուշ-երեկոն՝ ARARAT թանգարանում

Հուլիսի 28-ին ARARAT թանգարանում տեղի ունեցավ կոնյակագործ Ռոբերտ Ազարյանի 85-ամյա հոբելյանին նվիրված հուշ-երեկոն։

Երեկոն միավորեց վարպետի ընտանիքի մի քանի սերունդներին, նրա ընկերներին, մտերիմներին, Երևանի կոնյակի գործարանի այն աշխատակիցներին, ում բախտ է վիճակվել աշխատել Ռոբերտ Ազարյանի հետ։

Երեկոյի ընթացքում կայացավ Լիլիթ Ղուկասյանի կողմից հեղինակած «Հրեշտակների բաժին» գրքի շնորհանդեսը, որը պատմում է Ազարյանի ստեղծագործ աշխատանքի և սերունդներին փոխանցած ժառանգության մասին:

Միջոցառման ընթացքում Երևանի կոնյակի գործարանի գործադիր տնօրեն Սերգեյ Խաչատրյանը Ազարյանի ընտանքին շնորհեց հատուկ անվանական կուպաժ՝ նվիրված Ռոբերտ Ազարյանի 85-ամյակին, ի նշան վերջինիս ծավալած անգնահատելի գործունեությանը։